Published Date:8th-Sep-2019
यस भुमि व्यवस्थापन प्रशिक्षण केन्द्र, धुलिखेल, काभ्रेपलाञ्चोकमा आज मिति २०७६ भाद्र २२ गतेका दिन निजामती सेवा दिवस एक समारोहका विच सम्पन्न गरियो । सो अवसरमा तपसिल बमोजिमका कार्यक्रमहरु संचालन गरियो ।
१. राष्ट्रिय गानको शुरुवात: निजामती सेवा दिवस- २०७६, समारोहको अवसर पारेर केन्द्रमा हरेक दिन विहान १०:२५ बजे राष्ट्रिय गान गुञ्जन गर्ने कार्यक्रमको शुरुवात गरियो ।
२. रक्तदान कार्यक्रम: उक्त अवसरमा आयोजित रक्तदान कार्यक्रममा केन्द्रका कर्मचारीहरु तथा प्रशिक्षार्थीहरु सहित २६ जना सहभागी भएकोमा केन्द्रले धन्यवाद सहित रक्तदाताहरुलाई प्रशंसा-पत्र वितरण गरियो ।
३. उत्कृष्ट कर्मचारीहरुको सम्मान: केन्द्रमा कार्यरत कर्मचारीहरु मध्येवाट उत्कृष्ट कर्मचारीहरु लाई विभिन्न ३ विधामा सम्मान गर्ने क्रममा कार्य सहजिकरण विधामा केन्द्रका कार्यालय सहयोगी श्री मोतिसरा कमरजोगी, व्यवस्थापन विधामा सहायक प्रशिक्षक श्री लक्ष्मण वञ्जारा र प्रशिक्षण विधामा प्रशिक्षक श्री संजिवन श्रेष्ठलाई प्रशंसा-पत्र सहित सम्मान गरियो ।