भू-सूचना प्रविधिको क्षेत्रमा देखिएका विशेष आवश्यकताहरू पूरा गर्नका लागि छोटो अवधिका तालिमहरू डिजाइन गरिएका हुन्। सामान्यतया २ देखि ५ हप्तासम्मको समयावधि भएका यस्ता तालिमहरू केन्द्रको परिसरमा वा प्रदेशस्तरमा संचालन गरिन्छन्।

मुख्य रूपमा सञ्चालन गरिने तालिमहरूमा निम्न समावेश छन्:

• डिजिटल नापी तालिम,

• भूमि प्रशासन तालिम,

• Basic GIS तालिम,

• Advanced GIS तालिम,

• Web GIS तालिम,

• Photogrammetry तालिम,

• Remote Sensing तालिम,

• Real State मूल्याङ्कन तालिम, र

• Land Use तालिम।

डिजिटल नापी तालिम जिल्ला नापी कार्यालयमा कार्यरत नापी कर्मचारीहरूलाई डिजिटल प्रविधिमा आधारित नापी कार्यसम्बन्धी सीप प्रदान गर्न उद्देश्य गरिएको हो। यो तालिम प्रायः ती कार्यालयहरूमा प्राथमिकताका साथ प्रदेशस्तरमा सञ्चालन गरिन्छ जहाँ हाल डिजिटल नक्सांकन कार्य भइरहेको छ।

भूमि प्रशासन तालिम पनि प्रदेशहरूमा संचालन गरिन्छ, जसले देशभरका विभिन्न मालपोत कार्यालयहरूमा कार्यरत कर्मचारीहरूको क्षमता अभिवृद्धिमा योगदान पुर्याउँछ। यस तालिमले मुख्यतः नक्सांकनको आधारभूत ज्ञान, भूमि स्रोतको व्यवस्थापन तथा समग्र भूमि प्रशासनका पक्षहरूमा केन्द्रित हुन्छ।

Basic GIS तालिम विभिन्न सरकारी कार्यालयहरूमा कार्यरत GIS रुचि भएका कर्मचारीहरूलाई भू-सूचना प्रविधिको आधारभूत ज्ञान प्रदान गर्नका लागि दिइन्छ।

Advance GIS तालिम उनीहरूका लागि हो जो GIS को आधारभूत ज्ञान राख्छन् र विश्लेषणात्मक क्षमता तथा नक्सांकन सीपलाई अझ सशक्त बनाउने लक्ष्य राखेका छन्। सहभागीहरूमा नापी विभाग, भूमि व्यवस्था, सहकारी तथा गरिबी निवारण मन्त्रालय, विभिन्न नापी कार्यालय, जल तथा मौसम विज्ञान विभाग, भूगर्भ विभाग, शहरी विकास तथा भवन निर्माण विभाग, नेपाली सेना, नेपाल प्रहरी र सशस्त्र प्रहरी बल आदिका कर्मचारीहरू सामेल हुन्छन्।

Web GIS तालिम अहिलेको इन्टरनेट युगमा GIS प्रविधि वेबमा आधारित भएको कारणले सञ्चालन गरिन्छ, जसले सरोकारवालाहरूलाई Web GIS प्रविधिको वर्तमान अवस्थाबारे जानकारी प्रदान गर्छ।

Photogrammetry and Remote Sensing तालिम सम्बन्धित प्रविधिहरूको प्रयोग दक्षता वृद्धि गर्नका लागि प्रदान गरिन्छ।

त्यसैगरी, Land Use सम्बन्धी तालिमहरू पनि केन्द्रले सञ्चालन गर्दै आएको छ, जसको उद्देश्य भनेको भूमि मूल्याङ्कन र भूमि स्रोतको दिगो व्यवस्थापनमा योगदान पुर्याउनु हो।